Igl onn 2003 han ils dus cavacristallas Michael Flepp ed Alfons Derungs priu dus terments cristagls ord in fuorn al Péz Regina. Treis onns hai cuzzau entochen che quella cristalla era el liber. Ils cristagls appartegnan ad ina dallas pli grondas gruppas da cristalla ch'ei vegnida anflada entochen oz ellas alps. Suenter viadis aventurus ein ils dus cristagls turnai igl onn 2023 puspei en lur patria. Il cristagl "sulegl dil Péz Regina" ei exponius ella Casa d'Angel ed il secund cristagl "steila dils quater vents" ha anflau siu plaz ella Casa Lumerins.

Duront la viseta guidada vegn era mussau in film co la cristalla ei vegnida menada ord il fuorn e giu dil Péz Regina.