Gå til hoved-indhold

La Cuort Ligia Grischa Trun

Il Museum da Trun cun sia sala dils causligia impressiunonta e la stiva digl avat tablegiada ei il museum historic dalla Surselva. Cun exposiziuns d'art temporaras eis el ultra da quei sefatgs in num lunsch entuorn. Quei ei buc ina casualitad: la fundaziun posseda ina collecziun cun ovras impurtontas dils picturs artists Alois Carigiet, Matias Spescha e Gieri Schmed da Trun.
Ulteriuras informaziuns: www.museum-trun.ch
Tel. 0041 81 943 25 83
E-Mail

 

Il Forum cultural Breil/Brigels

Il «Focu Breil» tgira e promova la reha cultura dil vitg ch'ei era indispensabla en ina vischnaunca turistica moderna e che procura per contacts socials denter ils indigens, ils nievdomiciliai ed ils hosps. 
Ulteriuras informaziuns: www.focubreil.ch
E-mail a Michael Friberg, president
E-mail

 

La Fundaziun da cultura Lumnezia

La Fundaziun da cultura Lumnezia tgira e promova la cultura ella Val Lumnezia e rinforza la schientscha per quellas valurs. La fundaziun meina igl archiv cultural ad Uors e la casa da cultura Casa d'Angel a Lumbrein che plidentan ils indigens ed ils hosps cun exposiziuns temporaras ed in vast program d'occurrenzas. 
Ulteriuras informaziuns: www.culturalumnezia.ch
Tel. 0041 81 936 80 55
E-Mail

 

Il museum local Gandahus

Il museum local Gandahus a Val intermediescha a moda genuina e directa la cultura da habitar e las activitads quotidianas en ina casa gualsra dil 16avel tschentaner. In'installaziun da video muossa a moda impressiunonta il viadi annual da nundumbreivels «Schuobacheclers» da Val ella Tiaratudestga dil Sid.  
Ulteriuras informaziuns: www.vals.ch
Tel. 0041 81 920 70 70
E-Mail

 

La Lia Rumantscha

La Lia Rumantscha ei vegnida fundada igl onn 1919 sco organisaziun tetgala da tut las uniuns linguisticas e culturalas romontschas. Ella representa la cuminonza linguistica romontscha en Svizra, promova la lavur culturala romontscha, metta a disposiziun il vocabulari online Pledari Grond, organisescha cuors da lungatg e d'integraziun, porscha in survetsch da translaziuns professiunal ed edescha cudischs d'affons e da giuvenils.
Ulteriuras informaziuns: www.liarumantscha.ch
Tel. 0041 81 258 32 22
E-Mail

 

Il Museum Regiunal Surselva

Il baghetg dil museum amiez il marcau da Glion dat albiert ad in'exposiziun cumplessiva dil mintgadi d'antruras dalla populaziun dalla Surselva, cura che l'agricultura, il mistregn e l'economia da casa eran la basa d'existenza. Exposiziuns specialas, luvratoris per affons e programs accumpignonts attractivs fan la punt cun la veta dad oz.
Ulteriuras informaziuns: www.museumregiunal.ch
Tel. 0041 81 925 41 81
E-Mail

 

Il Luvratori Meister da Vuorz

Il Luvratori Meister da Vuorz renda accessibla l'ierta culturala dil meister da Vuorz ad ina publicitad interessada. El center dil luvratori stat in'intermediaziun tematica creativa e ludica. La purschida cumpeglia visetas guidadas en baselgias, excursiuns d'in di e da plirs dis, cuors e luvratoris. 
Ulteriuras informaziuns: www.waltensburger.ch
Tel. 0041 81 936 22 00
E-Mail

 

Surselva Turissem

Surselva Turissem ei l'organisaziun da marketing turistica dallas vischnauncas da Lumnezia, Ilanz/Glion, Breil ed Obersaxen-Mundaun. Duront la stagiun freida ein tut las fuormas dil sport d'unviern e dalla culinarica trumf. La stad envida la purschida «Cultura e natira» da scuvierer la cuntrada e sias attracziuns culturalas. Ferton che las guidas ed ils guids da mira!cultura arvan las portas alla cultura, selai la bellezia natira e cuntrada explorar bein a pei e cun il velo. Duront las jamnas da vacanzas (nadal, unviern, stad, atun) organisescha Surselva Turissem visetas guidadas da mira!cultura el program per ils hosps.
Ulteriuras informaziuns: www.surselva.info