Casas patrizianas imposantas el marcau vegl da Glion, ornadas cun uoppens, dattan perdetga dalla rolla impurtonta da Glion el vegl stadi liber da las Treis Ligias. Cheu ein vegnidas pridas decisiuns, cheu ein vegni tracati contracts, cheu ei vegnida scretta historia. Ella baselgia da s. Margreta ha la reformaziun el Grischun entschiet. Igl intern dalla baselgia semuossa per las visitadras ed ils visitaders sco ver scazi.

Suenter chi'il marcau vegl ha passentau decennis alla liunga in’existenza contemplativa, datti oz ina reanimaziun prudenta e gartegiada. In liug fetg impurtont che fa smarvegliar visitadras e visitaders.