Ault sur Glion raquenta la baselgia da S. Martin da varga melli onns historia. Gia el temps medieval tempriv eis ella stada il center spiritual ed economic per Glion e la regiun ost dil Mundaun. Cheu han ins fatg oraziun, administrau e construiu – rasada per rasada ha mintga epoca schau anavos fastitgs. Mirs romans, cumplettaziuns goticas e transformaziuns baroccas meinan ad ina totalitad multifara. Mo aunc paucas restonzas dils frescos dil Meister da Vuorz regordan alla pictura reha, mo gest quels fragments dattan al liug in’atmosfera tut speciala. Sogn Martin ei ina perdetga quieta da grondas midadas – dil temps carolingic entochen alla reformaziun – ed in liug historic ch’envida las visitadras ed ils visitaders da vegnir a mirar precisamein e da surstar.