Il cant ha da vegl enneu ina gronda impurtonza ella veta culturala en Surselva. Il cant da chors, enragischai profundamain ella tradiziun romontscha, caracterisescha la regiun entochen oz. In proverbi enconuschent porta sil punct: «Sche du(a)s Romontsc(a)s s'entaupen, fundeschan el(la)s in chor da quater vuschs.»

La nova guida culturala "Glion tuna e suna - der Klang der Surselva" reprenda questas ragischs musicalas. Ella colligia historia, lungatg e tun ad in eveniment sensual che lai percorscher l’impurtonza dil cant en Surselva. Entras raquents exempels da canzuns e cant communabel daventa l’ierta culturala viva ed accessibla directamain a participontas e participonts.