Il pign vitget da Surcasti schai el center dalla Val Lumnezia al pei dil Péz Ault – e sco siu num di – in tec sur il casti dils signurs von Übercastel. Sin il grep denter il Rein da Val ed il Rein da Vrin, damaneivel dalla baselgia da sogn Luregn, han ins scuvretg ina culegna dil temps da bronz e la tuor imposanta dat perdetga dil casti construius entuorn igl onn 1170. Nus visitein quei liug da detgas e spassegein viers il vitg cun sias casas veglias da 400 onns.