Vella ei il liug principal dalla nova vischnaunca da Lumnezia. Nus spassegein atras las streglias sper il Casti De Mont vi tochen tier la tuor da fiug e puspei anavos sin il vegl plaz cadruvi. Cheu steva pli baul il clutger dalla casa da scola e la Dertgira nera seradunava ella claustra. Nus visitein la caplutta da sogn Roc cun maletgs da Hans Ardüser e d'Alois Carigiet. Naven dil niev plaz cadruvi admirein nus l'architectura moderna ed igl art dil vitg ed ughegein da dar in'egliada el futur dalla val.