La «Memory Tour» ei in'offerta speciala dil team da mira!cultura per classas da scola dil scalem mesaun (9-12 onns) e per camps da vacanzas. Duront la «Memory Tour» emprendan las scolaras ed ils scolars d'enconuscher il bi marcau vegl da Glion. Il viadi tras las gassas ei in giug da geografia ed ils baghetgs historics ein in memory. Grazia a quella exploraziun en gruppas vesan e sentan ils scolars a moda activa e directa il «Städtli».

La Memory Tour saveis reservar direct tiel Museum Regiunal Surselva: info@museumregiunal.ch / +41 81 925 41 81