Quels da Glion numnan il marcau vegl entuorn la baselgia da sontga Margreta, il «Städtli». Casas patrizianas cun uoppens pompus raquentan dil temps che Glion haveva ina muntada principala ella republica dallas Treis Ligias. La baselgia da sontga Margreta ei il liug d'origin dalla reformaziun grischuna. Igl intern dalla baselgia ei pilver in scazi per tut las visitadras ed ils visitaders. Suenter ch'il Städtli era daus duront decennis en ina sien da Rosaspina, eis el vegnius reactivaus ils davos onns precautamein.