Quels da Glion numnan il marcau vegl il «Städtli». El vegn dominaus dalla tuor medievala da sontga Margreta. Dil temps dalla reformaziun ei il marcau da Glion staus in liug da decisiuns che han caschunau grondas midadas. Tochen ils onns tschunconta dil 20avel tschentaner deva ei el marcau vegl aunc numerus mistergners e bia fatschentas. Vaccas vegnevan buentadas allas fontaunas ed affons fagevan canera ellas gassas. Lu eis ei vegniu pli ruasseivel el «Städtli». Questa tura colligia il glorius temps vargau cun il temps dad oz, nua che Glion ei in center regiunal da grond cunfar.