Dapi ils onns siatonta dil davos tschentaner ha Breil fatg atras ina veritabla metamorfosa. Il vitg ei sesviluppaus d'in vitg puril ad ina destinaziun turistica cun tut ils avantatgs e disavantatgs. Naven dil plaz da scola spassegein nus tras il vitg ed emprendein d'enconuscher differentas fassettas. Els vegls quartiers Crestas, Canal e Cuort udin nus da fatgs historics, da tradiziuns e dalla veta sin in bein puril dil 19avel tschentaner. Els novs quartiers s'occupein nus dallas pusseivladads economicas d'in vitg muntagnard. Naturalmein vesin nus sin nossa spassegiada differents baghetgs e capluttas.